Ef þú lendir í snjóflóði, hefurðu um það bil fimmtán mínútur til að vonast eftir björgun. Nærri því útilokað er að lifa lengur en það undir snjónum, því þungi snjósins þrýstir á brjóstkassann þar til hann fellur saman. 

Þeir sem rannsaka á eigin spýtur hroðalega sögu Bandaríkjanna í Þjóðarmorðum, allt frá fæðingu þeirra árin 1776-1786, til dagsins í dag, vita að í hvert sinn sem leiðtogar þeirra öskra á blaðamannafundum að einhver sé „Genocidal Tyrant“ lýsa þeir sjálfum sér best.

Þegar rýnt er í sögu þess þjóðarmorðamaskínu sem Bandaríska hervélin er, þá er ljóst að Demókrater eru síst betri en Repúblikanar og jafnvel verri. Sjálfum er mér sama hvort snjóflóðið sé rautt eða blátt; það er samt snjóflóð.

Hins vegar er staðreynd að Teknókratískir meginmiðlar vilja að fólk trúi því að Killarý sé vinsælli en Trumpolini. Sjálfur hef ég horft á fréttirnar ytra, horft á rallýins sem þau halda og rýnt í hvernig almenningur bregst við þeim, og skoðað alternatívar kannanir, og mig grunar að næsta snjóflóð verði blátt. 

Nema þeir nottla kjósi með blýanti.

Til gamans mætti benda á kosningafund Trump' í Warren, Michigan, frá því í dag, 31. október 2016, og hlusta vel á ekki hann sjálfan heldur áheyrendur, eða skoða viðbrögð fólks við nýopnaðri FBI rannsókn á Hillary. Eða þá að skoða viðhorf fólks vegna þáttöku hennar í þjóðarmorðum Nató í Líbýu.

Til gamans mætti varpa fram annarri tölfræði. Í ágúst 2016 hélt Trump 32 kosningaræður fyrir allt að 198.000 áheyrendur. Á sama tíma hélt Hillary 11 fundi fyrir allt að 9.000 áheyrendur. Margir kjósendur vestra vita þetta. Einnig að í fyrsta sinn í sögu kosninga þar vestra eru kjósendur Trump að bíða í biðröðum um öll Bandaríkin til að kjósa fyrirfram, og nýskrá sig á kosningaskrá.

Eitt af því sem Trump er iðinn að minna á, varðandi kosningavélina sjálfa,
er að 1,8 milljón dauðra borgara eru á kjörskrá og margir þeirra kjósa enn.

Ég held að ef hún vinni, muni Bandaríkin lenda í innri upplausn. Sumpart grunar mig að það sé vilji Herforingjaklíkunnar sem styður Trump, því ef hann vinnur fá þeir meiri völd en ef hún vinnur fá þeir minni, en ef það verður upplausn þá geta þeir gripið inn. Segja má að þeir séu að veðja tveir á móti einum, af þrem, sjálfum sér í hag.

Því betur sem rýnt er í innviði hins Nýrómverska Heimsveldi lyga, þjóðarmorða og áróðurs, eins og það er síðustu árin, sjáum við ofvaxið bómullarklætt og heilaþvegið neytendasamfélag - sem jafnast á við okkar eigið glerhús - sem er á hraðferð niður hnignunarbrekkuna og ekki aðeins elítan vestra veit það heldur lýðurinn þeirra einnig, og flestir rýnendur utan þeirra.

Einnig er áhugavert að Gary Johnson og Jill Stein, sem ofmenntaðir meginmiðlar Íslenskrar heilagleikaelítu vita ekki að eru í framboði, njóta sumpart mun meira fylgist samanlagt heldur en frambjóðendur utan tveggjaflokka kerfisins hafa áður notið. Sem um margt segir þó nokkuð um bráðnandi hugarsteinlím vestra.

Satt að segja skelfist ég þær kosningar sem eru í undirbúningi vestra. Jafnvel enn meira en sýndarkosningar Íslenskra Umskiptinga og Uppvakninga. Því þær eru snar-öðruvísi en við höfum áður séð.

Í fyrsta sinn sögunnar eru allir kjósendur meðvitaðir um að rauði frambjóðandinn er lygamörður og stríðsglæpamaður sem á yfir höfði sér málshöfðun fyrir alvarlega glæpi. Sumir eru með henni aðrir á móti. Einnig í fyrsta sinn í sögunni, þar vestra, er hinn frambjóðandinn í stórfelldri árás á valdakerfið og fjölmiðlaveldið, og á alla mótframbjóðendur sína til hægri og vinstri, af fullum þunga. 

Trump hefur á einu ári gjörbreytt landslagi kosningavélarinnar vestra, slegið Political Correctness út af borðinu. Sent kurteisishjal norður og niður. Brotið Repúblikanaflokkinn upp og er að hamra Demókrata í spað.

Tugir stjórnmálarýnenda, í Bandaríkjunum, Ástralíu og Bretlandi, sem ég hef lesið og hlustað á, eru upp til hópa sammála um að tveggjaflokka kerfi Nýju Rómar sé í upplausn og verði seint ef nokkru sinni samt aftur.

- - biðst afsökunar á stafsetningavillum, laga þær á morgun.