Ég þekki Skyrgám vel og hér er sannarlega logið uppá karlinn. Hann hefur enga skoðun á bólusetningum eða því penínga- og áróðursbatterý sem á bak við þær liggja. Hann hefur heldur ekki áhuga á þeim sem heilaþvo börn og einfeldninga.

 

Jólasveinarnir eru góð tröll og ekki til í þeim slæmir hrekkir né lygar, þó vissulega sé til hjá þeim góðgjörn stríðni. Þeir hafa engan áhuga á því að starfa með stofnunum manna og alþjóðaafla sem segja fólki hálfa sannleika og snúa svo út úr upp á þess eigin ótta.

Þeir starfa fyrir sjálfa sig til að gleðja börn og kenna fullorðnum að varðveita sín innir börn; og vaxa til einhvers góðs.

Fólk sem notar þessa góðu og vænu fjölskyldu til að koma inn hjá fólki einhverju sem Jólasveinarnir hvorki standa fyrir né leggja blessun yfir; ætti að skammast sín. Umfram allt, slíkt fólk reitir vætti lands okkar til reiði.

 

Jólasagan á ensku

 

Sagan um Santa Kláus á ensku

 

Fólk á að vita betur en þetta. Ég geri mér vel ljóst að umræða um bólusetningar og blóðgjafir er umdeild. Sjálfur hafna ég hvorutveggja af trúarlegum ástæðum og geri mér vel ljóst hvaða augum samtímafólk lítur slíka ákvörðun;

EN ÉG REYNI EKKI AÐ KOMA SLÍKU INN HJÁ BÖRNUM OG EINFELDNINGUM.

Ég ber virðingu fyrir skoðunum þeirra sem trúa á bólusetingar og blóðgjafir. Kjósi þeir að vanhelga sjálfa sig, þá er það þeirra og þeir mega það. Hinir sömu bera ekki virðingu fyrir minni lífsskoðun, hvorki í orði né í verki. Hins vegar hljóta Umskiptingar og Uppvakningar að skilja að umdeild mál í samtíma okkar fullorðinna eiga ekki erindi inn í jólin.

Vel flestir fullorðinna hafa fyrir löngu misst trúna á Íslenzkar mýtur og þann veruleika sem slíkt kennir. Slíkir bera enga virðingu fyrir álfum, tröllum, dvergum, landsvættum, öðrum vættum, hvað þá heldur þjóðararfi okkar.

Slíkir halda að sú dulmögnun sem í sögu okkar býr sé ódýrt gjálfur sem nota megi fyrir auglýsingar og ómerkilegar markaðssetningar og áróðursbrögð. Slíkir tilheyra Lýgveldinu sem flaggar móðurvættinum Fjallkonunni á 17. júní og höfuðvættunum fjórum í skjaldarmerki sínu; en fer í engu eftir boðskap þessara vætta.

Slíkir hljóta að uppskera eins og þeir sá.

Þjóðararfur okkar er sterkari en hinn steinrunni hugur þeirra sem halda að nútímavísindi hafi svör við öllum sköpuðum hlutum, skríls sem hvorki trúir á neitt né stendur fyrir neitt, nema þá kannski að skrá sig í Zúisma til að fá greitt fyrir trúleysi sitt.

Sem fyrr segir, Skyrgámur hefur enga afstöðu til bólusetninga né blóðgjafa, hvorki með né móti. Hann fókusar á Jólin og það sem við eigum að læra af þeim. Enginn hefur leyfi til að ljúga upp á Jólasveinana, né heldur upp á aðra vætti.