NasistaNATÓ hegðaði sér verr í Afganistan en Hitler gerði í Póllandi, en þú getur ekki hugsað þá hugsun til enda að elsku góða NATÓ sé hugsanlega stórglæpamafía og þjóðarmorðingja hyski. Það er oft erfitt að brjótast út úr þeim viðmiðum sem umhverfið innprentar okkur, enda hengjum við sjálfsímynd okkar oft á heimssýn umhverfisins.

Staðreyndin er sú að innrás NATÓ í Afganistan átti engan rétt á sér og ólögmætt hernám okkar Nató ríkjanna, í tvo áratugi, og þáttaka okkar í heilaþvottarstarfi þar í landi, er okkur til hneisu.

Þessa dagana keppist embættis- og stjórnmálafólk á öllum vængjum vestrænna stjórnmála um alls kyns myndfréttir og yfirlýsingar um hversu hræðilegt það sé að andspyrnuhreyfing frjálsra Afgana sé núna búin að sparka af sér Nató okinu; Með lykilorðinu TALÍBANAR!

Þegar ekki dugar að nota lykilorðið Talíbanar þá er varpað upp myndum af þrem stúlkum sem sagt er að séu á göngu í Kabúl fyrir fimmtíu árum, á stuttpilsum og við hliðina einhverri mynd af kúguðum talíbana konum í bláum kuflum.

Svo sér maður Antivista gengið - eða stýrðu andstöðuna - sem berst gegn Covid sturluninni, taka þátt í sama vitundarspunanum. Þeir trúa því að áróðursljósmynd segi eitthvað um þrjátíu milljón manna þjóðfélag sem sigrað hefur hvert heimsveldið á fætur öðru.

Svo ég gerði mínar eigin myndir, afsakið að texti þeirra sé á ensku. Þýðing er í boði, eftir pöntun.

 

 

 

Þegar siðrof verður megin hugarástand heillrar heimsálfu, þá kafnar sú menning og siðmenning hennar hrynur. Þá birtast hornin tvö á dýrinu sem var eins og lamb er mælti með drekarödd og hafði tvö horn.

Annað hornið er stýrði meginstraumurinn og hitt hornið er stýrði jaðarstraumurinn.

Meginstraumurinn telur jaðarstrauminn vera samsæriskennara og jaðarstraumurinn telur hinn vera sofandi. Sá fyrri reynir að þagga hinn sem reynir að vekja hann. Svo kemur spámaðurinn og bendir hinum vöknuðu á að jafn erfitt er að vekja þá eins og þeim veitist að vekja hina.

Allan tímann dáleiðir drekaröddin báða hópana með fullkomnun mannlegs ófullkomleika. Eins og allir vita táknar talan sex mannlegan ófullkomleika en tala í þriðja veldi er fullnun. Talan sexsexsex er ekki tugakerfi heldur veldiskerfi.

Nú er heimsmenning okkar í dauðahryglu drambs og sjálfvalinnar blindu, þeirra sem halda að þau sex prósent ljóss sem þau sjá hjúpi allt sem er og að sérfræðingar sínir eigi að fara með öfgavald yfir öllum hinum eða sprauta þá ella.

Mér finnst gaman að benda kristnu jaðar fólki á þá staðreynd að forfaðir Klás Schwab, sem hét Konstantín mikli, bjó til "Great Reset of the Romans" þegar hann gerði Míþraismann að ríkistrú og skipti um nafn á honum til að jaðarsetja Nasarenana. Nei, það getur ekki verið?

Illska getur holdgast, ef hið góða getur það, og þegar illska líkamnast og allir neita að sjá veruleikann, sturlast samfélagið. Siðrof verður varanlegt ástand.

Rétt eins og allar ritningar Eingyðistrúarinnar útskýra fullkomlega. Tóran, Nýja frásagan, Kóraninn og Avesturnar. Allar dætur trúarinnar, Gyðingdómur, Zóroaster, Kristni og Íslam, þær kenna þetta, en kennarar þeirra hafa fallið fyrir Efnishyggju, Félagshyggju og Valdhyggju (Materialism, Socialism, Authoritarianism).

Ég minni á þegar spámaðurinn Daníel sá þrjú horn dýrsins brotna af, því eitt horn óx upp og ruddi þeim frá, en það horn hafði augu og munn og mælti formælingar og viðbjóð. Þegar efnis-, félags- og valdhyggja samtvinnast, hrynur þjóðfélagið af þunga holdgaðrar illsku, á meðan vaknaða gengið rífst um smáatriði innantómrar dáleiðslu dýrsins.

Drekarödd er tákn fyrir raddir dávalda og álög launhelga og dreki er tákn þeirra sem hirða allt gullið og fela það eða eyða borgum (siðmenningu) í eldi gagnslausra hugmynda, en eldur er tákn skarprar greindar.

Ef lesandinn skilur ekki þunga þessa, hafið engar áhyggjur, darraðardans sprautupúkans við undirleik Didda Diskó nær þér og þá verður hvort eð er komið nýtt vírusafbrigði til að útskýra innsprautað sjálfsofnæmi (Antibody Dependent Enhancement) og færslan verður gleymd.

Sósíalaistar trúa því að einungis það sem þeir sjá eða geti mælt, sé veruleikinn, og að þeir eigi að ala upp börnin, enda hafi húmanisminn (sem þó er ekki sósíalismi) gert út af við trúarbragðastríðin (en sósíalismi hefur þó drepið þúsundfalt fleiri, og hefur aldrei iðrast). Sósíalismi rukkar sexfaldan skatt en trúuðu ríkin aðeins tíund!

Það sem þú sérð, er aðeins sex prósent ljóss! Þeir sem ólu okkur upp eru lygarar og nú hafa þeir yfirtekið Lýðveldið og breytt því í Lýgveldi. Það eru uppalin skólabörn þeirra sem af einhverjum ástæðum sjá ekki lengur muninn á lygum og vísindum, heiðri eða áróðri.

Allt þetta sjá Talíbanar vel, þeir láta ekki heilaþvo sig, enda eru mæður þeirra sterkar og vandaðar konur, og þær hafa fengið tuttugu ár af dýrð undir hernámi vesturlanda til að taka stuttpils framyfir kufla og þær hafa allar hafnað því.

Þegar NATÓ hernam Afganistan bjuggu þar 33 milljónir, ári síðar 30, en hafðu engar áhyggjur, þessar þrjár milljónir sem hurfu voru ekki þjóðarmyrtar heldur lögðust á vergang flóttamannastraumsins. Alveg satt, því Nató-Kvislíngar og Sprautu-púkar, segja alltaf satt.