Þegar Lýðveldið lýsti yfir farsótt, var aldrei látið reyna á það með vísindalegum aðferðum né reynslulegum (empirical) hvort einhver væri. Þrem mánuðum síðar var orðið ljóst að engin farsótt var á ferðinni; Lýðveldið herti þá aðgerðir gegn farsóttinni, sem valdið hafa því sem næst ómælanlegu tjóni á menningu og þjóð.

Sú var tíðin að það þótti fréttnæmt ef átta þúsund fólks væri atvinnulaust. Nú eru það tuttugu þúsund og nánast gert grín að því í fjölmiðlum. Hvergi er minnst á þúsundir gjaldþrota, sjálfsvíga, heimilisupplausna eða þá sjúkdóma í kjölfar vonleysis af völdum ríkisaðgerða.

Lýðveldið beitti í nánu samstarfi við fjölmiðla (sjá fjölmiðlastyrki) griðarþungum áróðri fyrir svonefndum skimunum til að sanna smit. Engu var skeytt um vitnisburð hundruða farsótta- og efnafræðinga (m.a. höfund skimunarinnar) þess efnis að PCR skimanir geta ekki með neinu móti greint vírusasmit með áreiðanlegum hætti.

Nú rúmu ári síðar hafa 30 manns dáið í öndunarvél og um það bil 345 lagst inn á sjúkrahús og þjóðinni sagt að dauðsföllin og veikindin séu Covid-19. Látum vera hvort það sé sannanleg fullyrðing. Þó hefur komið fram hjá t.d. CDC í Bandaríkjunum, á Ítalska þinginum og á öðrum slóðum, að á milli 86 og 96 prósent svonefndra Covid vottorða séu falskar greiningar eða ómarktækar.

Á þessum rúma ári hefur fólki verið bannað að stunda heilsurækt, menningarlíf, trúarlíf og ferðalíf (svo fátt eitt sé nefnt) meðan gríðarstór hluti efnahagslífs þjóðarinnar hefur lagst af (en enginn virðist vilja mæla umfang þess) og þjóðinni þröngvað til þess að anda að sér lífshættulegum trefjum í gegnum grímur sem er vísindalega margsannað að geta ekki stöðvað loftbæra vírusa.

Nú er þjóðinni þröngvað með sálrænum þrýstingi og gríðarlegri áróðursherferð að láta sprauta sig með mRNA stungulyfi sem uppnefnt er Bóluefni, en það er ekki bóluefni og getur aldrei kallast svo. Ekkert er vitað um þróun á mRNA stungulyfjum, ekkert er vitað um hvernig þau virka á líkamann og enginn virðist ábyrgur fyrir (hugsanlegum) skaða af notkun þeirra.

Enginn veit hvort eitthvað af lotunum séu Saline upplausnir eða hvernig þeim er raðað eftir skimunum sem vistaðar hafa verið í erfðabanka á vegum fyrirtækja á borð við Adaptive Biosystems, Salinger eða Iceland deCode.

Nú þegar hafa hrannast upp skráningar hjá Lyfjastofnun sem benda til þess að heilsutjón af mRNA stungulyfinu sé margfalt umfangsmeira og alvarlegra en skráð tjón af völdum hinnar svokölluðu farsóttar! Engin rýni í þetta, engin axlar ábyrgð á neinu, en áróðurinn og sálfræðiþrýstingurinn stigmagnast.

Varðandi skimanirnar, er vitað að sé mannvera smituð af loftbærum vírus, er nóg að hrækja í petrískál til að láta efnagreina hrákann. Þess var hins vegar krafist að notaðir væru sérstakir pinnar til að þrýsta á himnuna aftast í nefkoki fólks, millimitrum frá heilastöðvunum sem stýra hormónastarfsemi líkamans.

Þúsundir fólks hefur í kjölfar þessara pinnastroka kvartað undan undarlegum höfuðverkjum, svimatilfinningum, einbeitingarskorti og í sumum tilfellum afleiðingum í blóðstarfsemi líkamans. Umræður eru í gangi um aukin fósturlát, óregluega tíðahringi og skerðingu á stinningargetu. Sumt af þessu er í umræðum tengt við stungulyfin sem áður eru nefnd.

Engin vísindarannsókn hefur enn farið fram á þessari undarlegu stöðu. Engin umræða fer fram í meginmiðlum, vísindaheiminum eða í stjórnmálum, rétt eins og þann 11. mars 2020 hafi öll raunhugsun og vestræn menningarsaga gufað upp.

Þegar ráðherra virkjaði sóttvarnalög 19/1997 var látið duga fullyrðing sóttvarnalæknis að upp væri komin hættuleg farsótt frekar en að sannreyna hvort svo væri raunin. Þegar Alþingi samþykkti breytingar á þessum lögum (Lög nr. 2 8. febrúar 2021) var í engu skeytt um vestræna hefð um virðingu fyrir niðurstöðu Nuremberg réttarhaldanna í lok síðari heimsstyrjaldar né um tilmæli Evrópusambandsins varðandi þvingaðar læknisfræðiaðgerðir heldur sviðsettur orðaspuni til að láta líta út fyrir að svo væri; Alþingi samþykkti einróma þessa breytingu.

Hvergi var minnst á í neinni umræðu að ekki er hægt að þvinga Íslenska borgara í neina læknis- eða heilbrigðisaðgerð gegn vilja þeirra (sjá lög 74/1997 grein 7).

Þingið setti hvergi neina sönnunar- eða ábyrgðarbyrði á þá sem gætu eða kynnu að misnota lögin, nú eða síðar; Hvergi var rætt hvort verið væri að misnota þau nú þegar eða hvort lagabreytingin væri yfirklór til að lögsetja lagabrot!

Þegar ríkið brýtur eigin lög þá má lögsækja ríkið en þegar það brýtur eigin stjórnlög þá eru öll lög þess ómerk. Þessu er einungis hægt að breyta með því að taka upp nýtt ríki. Þetta er þó ekki erindið, en verður að koma fram, fyrir heimspekisinnaða.

Þegar starfsmenn ríkis brjóta á þjóð, að ekki sé talað um brjóta gegn mannkyni, þá er hægt að lögsækja og dæma þessa starfsmenn, frá hæsta embætti til lægst setta starfsmanns. Engin skjöl verða ritskoðuð þegar kemur að því að setja upp dómstól (Tribunal) til að rekja umfang glæpsins alls og vega með lögum.

Hvað eru margar samsæriskenningar eða dylgjur í þessari færslu? Er einhver trúarboðskapur eða öfgahyggja sem kemur hér fram? Færsluritari kann að hafa sérstakar skoðanir, en hvað er kalt mat? Hvað er menning og hvernig er siðmenning byggð ofaná?

 

 e.s. Ég minni á að stafsetningarvillur eru settar inn með dul-algrími (meta algorithm)
til að stuða lesandann og grípa athygli.