Við sem fylgjumst jafnt með jaðar- sem meginstraums miðlum verðum fyrst vör við að báðir straumarnir falla strax í baráttu síðustu tveggja áratuga; Loftslagsbreytingar af mannavöldum er mál málanna hjá meginstraumnum og hjá hinum er það baráttan gegn alræði kommúnismans.

Eins og venjulega hrynur raunhyggjan einhvers staðar milli þilja.

Eitt af því fyrsta sem maður sér eru atriði á borð við tengda frétt, að sovésku nefndirnar hafi ekki skipulagt rétt hvernig risastórt kerfið hagi sér. Síðan sér maður hlutfalla útreikningana um hvernig raforka er framleidd í Texas.

Hef engu við framangreint að bæta því hver sá sem les þessa færslu hefur að öllum líkindum lesið fáeinar meginstraums og jaðarfréttir. Lítum þó á nokkra þætti sem eru niðurgíraðir (Downplayed).

Mynd fengin að láni af Twitter.

Texas er ásamt Flórida í framlínunni þessa dagana í baráttunni á milli Sovétmanna (Demókrata Joe Biden) og Íhaldsmanna. Ríkið er 29 milljónir fólks og af þeim voru um það bil 4,5 milljónir sem misstu rafmagn í um það bil hálfa viku, helmingur þeirra í hámark tvo daga.

Ekki var birt í neinum fréttum hvort mikið hefði skemmst af frosnum vatnslögnum, en þetta er atriði sem við Íslendingar byrjum á að athuga; Hvort við þurfum að loka fyrir vatnið inn hjá okkur eða hafa sírennsli á meðan frystir.

Allar fréttir tala um ógnarkulda (extremely low temperature) og þurfti að leita smá til að finna að frostið fór niður í -2 á Celsius (28 Fahrenheit). Þá dúkkar upp að á fjölda heilsugæsla og spítala var talsvert vandamál að ekki var hægt að fara á salerni (eða í sturtu) vegna vatnsleysis, enda flest vatn pumpað upp og dreift með pumpum.

Fólk þurfti víða að örna sér í plastpoka og henda í gáma!

Vissulega eru margir sem gera grín að frosnum vindmyllum, en flestar vindmyllur þola frost, svo hver er þá vandinn þar? Engin svör, en þó andstæðingar kommúnismans hafi gert mikið grín að frosnu vindmyllunum þá eru það engin rök gegn loftslagskommúnismanum.

Flestir rafalar hitna auk þess við snúning svo einhver ástæða var fyrir að myllurnar frusu, en sú ástæða hefur hvergi verið talin fram. Getur verið að þær hafi verið afkúplaðar af einhverjum ástæðum s.s. stillingum í tölvukerfi eða vegna netárásar? Það er hluti af öryggisbúnaði vindmylla að hægt sé að afkúpla þær þegar vindur fer yfir ákveðinn hraða, annars myndu þær allar rústast á fyrsta ári í notkun.

Það er mikið minnst á raka í leiðslum og það hafi hamlað raforkuframleiðslu en það stenst engin rök. Þú þarft ekki að vera pípulagningameistari til að skilja að rakinn myndast aðeins þegar mikið er um að gasi sé hleypt á í gegnum pípurnar og þær tæmdar þar á milli og raki í pípunum nær ekki að mynda frosttappa í þeim svo að þær lokist.

Aftur vaknar þó spurning þessu tengdu s.s. hvort mikið hafi verið af tómum leiðslum - af einhverjum ástæðum - og að ekki hafi tekist að hleypa á þær t.d. vegna þess að þrýstilokar og annar stjórnbúnaður hafi verið óvirkur vegna viðhaldsvinnu eða frostraka.

Dýpri lesning leiðir í ljós að mjög mikið er um það í Texas að raforkuver loki á víxl á þessum árstíma til að sinna nauðsynlegu viðhaldi og endurnýjunarstarfi til að undirbúa fyrir sumarmánuðina, en öfugt við norðurslóðir er mesta raforkunotkun ríkisins á sumarmánuðum þegar loftkælingarkerfin eru keyrð af fullum þunga.

Einnig kemur í ljós að mikið af alls kyns búnaði sem er notaður við raforkuvinnslu í Texas er óyfirbyggður vegna veðurfars. Sé búnaðurinn geymdur innandyra þarf að loftkæla byggingarnar sem hýsa hann (flesta mánuði ársins) til að hann ofhitni ekki. Þá er svo sjaldgæft að frysti í Texas að fáir gaumgæfa hvort þetta sé vandamál þegar vetrarstormur skellur á (sem e.t.v. er ekki algengt).

Á Íslandi eru strangar reglur um húsbyggingar, rétt eins og í Japan, til að gera ráð fyrir jarðskjálftum, mun strangari en t.d. í Skotlandi eða Danmörku!

Loks er eitt sem hvergi kemur fram í neinni af greinunum, sem ég skannaði lauslega, um þessa áhugaverðu stöðu. Rakinn í Texas er heimsfrægur! Allir sem ég hef hitt í gegnum árin, sem hafa búið á svæðinu Austin til Dallas, hafa orð á rakanum í Texas, sem er einmitt ræman sem varð verst úti (sjá mynd).

Allir Íslendingar vita hvað það er hræðilega kalt í -0 til -2°C þegar mikill loftraki er, en þægilega kalt í -5 til -7°C þegar loft er þurrt. Miðað við allt sem ég hef heyrt um loftrakann á svæðinu get ég vel ímyndað mér hvernig allskyns búnaður hafi stirðnað af þessum sökum.

Loks er áhugavert hvernig Sovétmenn meginstraumsins vitna í að Joe Biden hafi haft hitt og þetta að segja um skipulagskerfið í tengslum við atburðinn. Ég hélt að allir vissu að raforkumál ríkjanna fimmtíu, koma forseta ríkjasambandsins ekkert við! Þess vegna vísa ég í upphafsmál pistilsins.

Meginstraumurinn stökk á mjólkurkúna góðu, að stækka ráðstjórnarkerfið meðan jaðarstraumurinn stökk á hina kúna, að minnka ráðstjórnarkerfið. Hvorugur hefur vald á raunsæi. Enda lesa þeir ekki pistlana mína, ennþá.

Meðan ég var að grúska í þessu, rakst ég á fjölda greina sem báru saman alls kyns raforkumál í Kaliforníu en ég tók einnig eftir að helstu Sovétmiðlar vildu ekki skoða svo vítt. Kannski því Kalifornía er helsta Sovétríkið í Bandaríkjunum.

Það breytir ekki þeirri staðreynd að stór fjöldi gas-raforkuveranna í Texas hafði engan aðgang að gasi, hvort sem það var vegna frosinna loka eða vegna árásar á tölvustýringar eða vegna viðskiptatengdra hagsmuna s.s. við Blackrock og Vanguard.

Loks vita allir sem eitthvað vita, að akkúrat núna er fyrirtækja- og fólksflótti frá Kaliforníu ríki og New York ríki til Texas og Flórída. 

Þessi ríki standa enn gegn heimskommúnismanum sem er núna að sprauta þig með genaskærum (mRNA Injection) sem er óvísindalega uppnefnt bóluefni, byggt á farsótt sem er ekki til og það hefur verið sannað að er ekki til en enginn vill viðurkenna að er ekki til, og hefur núna rústað menningunni og er að hefja rústun á siðmenningunni.

Áður var minnst á að íbúafjöldi Texas er 29 milljónir. Sé litið á fólksfjölgun í ríkinu síðustu tuttugu ár, sést að þróunin núna er ekki ný af nálinni, og að hægrisinnað Texas ríki, hefur í áratugi verið athvarf fyrir flóttafólk frá kommúnistaríkjum.

Rétt eins og núna væri best fyrir Evrópubúa að flýja til Pútín, áður en við verðum öll sprautuð niður. Án gríns. Ef ég þarf að rökstyðja þessa fullyrðingu, veistu ekkert um menningu, ekkert um sagnfræði og hefur ekki lesið neinar fréttir í rúmt ár.