CDC viðurkenndi í júní að það genamengi sem þeir töldu að merkti Sars-CoV-2 vírusinn, var óskaðlegt mannlegum lífvef þegar það var sett í petri disk en hafði örlítil áhrif á lífvef úr apa.

CDC viðurkenndi mánuði síðar að enginn hafi einangrað vírusinn og gaf út sextíu síðna skjal um hvernig stilla mætti rt-PCR skimun á þann hátt að finna mætti 37 genamynstur (af 30.000) til að geta haldið því fram að vírusinn væri fyrir hendi.

Kary Mullis sem fann upp PCR skimunina, útskýrði að ef tækið væri þannig stillt, mætti nota það til að finna hvaðeina sem maður vildi finna eða dytti í hug.

Í vor lýsti Judy Mikovits - einn fremsti vírusagreinandi allra tíma - að Corona-mengið sem skannað væri eftir, liti nákvæmlega eins út og mengið á XMRV vírusnum. Sá vírus kemur úr músum og slæðist inn í bólusetningar sem hafa verið byggðar á músarvefjum. 

Tölfræði sem WHO gefur út, hefur sýnt að í það minnsta fimm, og allt að sjö, öndunarfæra-sjúkdómar eru í þriðja og fjórða sæti fyrir dauðsfallasjúkdóma á heimsvísu: Hér er rætt um fimm  til sjö milljónir manna árlega síðustu tuttugu árin (eftir hvernig grúppurnar eru samþættar og taldar).

Augljóst er áhugamönnum um sálfræði að útvíkka hversu auðvelt er að lána veikindatilfelli úr þessum grúppum eða hvernig öfugt plasíbó virkar hjá ístöðulitlum borgurum.

Mörg sóttvarnarráð í heiminum hafa gefið læknum innan ríkja sinna tilmæli um að flokka allskyns sjúkdóma sem Covid-19 án þess að fara ofan í saumana á hvort um hlutlægt eða huglægt mat sé að ræða. Í mörgum löndum var hætt að flagga dánartölum í fjölmiðlum eftir að í ljós kom að stór hluti dánarvottorða voru klént skráð.

Hundruðir lækna hafa ýmist misst vinnu eða verið jaðarsettir, sem bent hafa á villandi upplýsingar hinna opinberu stofnana og beinlínis rangar upplýsingar frá áhrifavöldum stóru lyfjarisanna og fjárfesta á borð við Bill "Hades" Gates og tengdra öfgamanna.

Það sem flokkast sem Covid-19 er ekki sannaður sjúkdómur og vírusinn sem veikin er talin stafa af, hefur ekki verið greindur. Auk þess er á bilinu 99% til 99,7% sem jafna sig af sjúkdómnum, flestir lyfjalaust, en til eru mjög áhrifarík og ódýr lyf sem skila því sem næst fullkomnum árangri í meðhöndlun veikinnar.

Ég hef reglulega bent á að á Íslandi er nákvæmlega engin umræða um vísindin sjálf, ekki nein. Engar spurningar eru bornar fram af fjölmiðlum til að halda lyfjarisum og ríkisstjórn á mottunni, svo þessir aðilar komist ekki upp með hreinar lygar og ofbeldi.

Fjölmiðlar, embættismenn og ríkisstjórn eru nú samsek um ekki aðeins þjóðarglæp, heldur glæp gegn mannkyni á heimsvísu. Þetta er fullsannað.

Maður stendur almenna borgara að því að fullyrða við mann að farsótt sé í gangi, þegar maður spyr sama fólk út í einföld atriði varðandi vísindin sjálf, kemur það af fjöllum. Þegar maður gefur þeim einföld svör við sömu spurningum, heldur það áfram að sannfæra mann um að farsótt sé í gangi þó það hafi nákvæmlega enga forsendu til þess nema fyrirsagnir lygara.

Það er eins og hinn almenni maður sé ekki bara ófær um að ræða vísindin og skilja þau (sem styður eldri fullyrðingar mínar um vísinda-dulspeki) heldur finnist vera í fínu lagi að rústa menningarsamfélagi og efnahagslífi afþvíbara.

Samtímis kemur í ljós að Kína er eina ríkið í heiminum sem skilar ekki bara hagvexti í ár, heldur fimm prósent! Enginn virðist átta sig á hversu þétt mannhafið er þar eða hvernig raunverulegir smitsjúkdómar haga sér.

Minni hér á ritgerðina Vísindadulspeki (Húmanistadulspeki) sem ég gaf út í sumar.

Meginstraums fjölmiðlar fjalla helst ekkert um Barrington yfirlýsinguna, sjálfur vissi ég fyrst af henni því bloggari hér á blog.is fjallaði um hana fyrstur Íslendinga. Síðan hef ég lesið hana, horft á kynningarmyndskeiðin sem fylgdu henni, og skrifað undir. Hún kemur frá þrem virtustu farsóttafræðingum heimsins!

Svo koma fram Tedros langtnafn frá WHO og fjárfestirinn Bill "Hades" Gates og ráðherrann Hancock og fullyrða vitleysu um t.d. hjarðónæmi sem á engan hátt standast vísindin. Gera þeir lítið úr Barrington yfirlýsingunni án þess hafa nein vísindafræði til að styðja fullyrðingar sínar - eru sjálfir ekki læknismenntaðir, hvað þá sérfræðingar í farsóttafræðum.

Engin umræða um framangreint í fjölmiðlum meginstraumslýginnar.

Á sama tíma er fólki sagt að nota andlitsgrímur, þó að enginn raunvísindi styðji notkun þeirra á nokkurn hátt. Lokun á löndum og takmörkun á hegðun borgara og enn meiri takmörkun á þjónuustu og viðskiptum; Þó engin vísindi styðji neinar ákvarðanir.

Get ég stutt þessa færslu með tilvísunum í hluti? Já, en til hvers? Menning sem sí og æ velur lýgi fram yfir raunsæi, er einskis virði og allra síst þess að vera afhent gögn sem kjáni af mínu tagi getur aflað sér með nokkurra mínútna vinnu á Vefnum.

Það sem er í gangi hefur verið rækilega útskýrt og frá mörgum hliðum. Margar útskýringar frá því í upphafi farsóttarinnar (3/11) svokölluðu hafa ræst, ekki bara mínar heldur margra annarra. Þá eru margar útskýringar sem birtar hafa verið og dagréttar, á svo til hverjum degi síðustu átta ár, sem útskýra hvers vegna samtímamenning okkar væri að hrynja og hvernig.

Mikilvægastar eru þrjár dagmerkingar; Maí 2012, apríl 2014, maí 2020. Menning okkar er - því miður - hrunin. Það ætti að vera sumum fagnaðarefni. Ekki af trúarlegum ástæðum heldur menningarlegum.

Tökum annan pól í hæðina. Húmanisminn hefur haft frítt spil síðan 1551 og Sósíalisminn hóf heimsyfirtöku upp úr 1850. Síðan 1920 hafa þessi tvö hugmyndakerfi runnið saman í eitt og fengið að deila, drottna og drepa eins og enginn sé morgundagurinn.

Nú árið 5780/1 hafa þau sannað að allt sem þau kenna er lýgi og eru verðlaus með öllu. Tækifærið felst í því að sjö heimssýnir alls hafa nú afsannað sig á tæpum sex þúsund árum, og við höfum færi á að afgreiða þær og smíða nýtt úr rústunum;  Tækifærið er þó glatað, því engin raunhæf umræða um neitt fer fram nokkursstaðar, þó er til mikið af orðum.

Sem fyrr segir; Fólk hefur sannfært sig um að húmanistavísindi séu raunvísindi, þegar auðsannað er að um dulspeki í dulargervi er að ræða. Meirhluti fólks hefur ennfremur sannað að það velur lýgina fram yfir raunsæi og lifir í útdregnum (Abstract) veruleika; Er sumsé veruleikafirrt og ófært um að horfast í augu við það.

Á sama tíma hefur verið sýnt fram á að hagsmuna-aðilar eru að undirbúa sprautun á rna/dna bóluefni sem þröngvað verði í æðar alls fólks (ásamt áli og kvikasilfri), tengt CRISPR tækni, til að breyta erfðamengi fólks eins og ekkert sé sjálfsagðara. Ekki bara í skjóli augljósra lyga heldur byggt á genafræðum sem eru stórlega varasöm og í rauninni óskilin sérfræðingunum sjálfum.

Framangreint er lýsing á menningarsjálfsvígi.

Miðað við þann þroska sem við höfum sýnt síðustu aldirnar, þá mætti túlka það sem fagnaðarefni, því náttúran hefur ítrekað sýnt að hún hreinsar burt krabbamein. Þegar heil hjörð missir vitið og rústar sjálfri sér innanfrá, hljóta sumir að velta fyrir sér hvaða ósýnilegir áhrifavaldar gætu hugsanlega haft hönd í bagga eða hvers vegna Almættið leyfir það.

Smá útfyrir færsluna en þó ekki ótengt;
Fyrir áhugasama mæli ég með frekara grúski í glyphosate og dr. Seneff, í tengslum við crispr, d-vítamín og genabreytt útsæði. Ég hef lengi haft áhyggjur t.d. af notkun á d-vítamín-bættri mjólk og vinsældum hennar, einnig má benda á að þegar ríkið bregst við Súnu (Zoonosis) og lyfjaónæmi á þann veg að líffræðin bregðist rangt við lyfjanotkun er það merki um að lyfjanotkun er byggð á röngum vísindum, enough said.

-- sleppti því viljandi, sem fyrr segir, að setja inn tengla í ítarefni.

 

Smá umhugsunarefni frá RFK Jr.