Síðan í júní hef ég ítrekað bent á að fólk lesi sér til um PCR skimun og hvað Kary Mullis (höfundur tækninnar) hafði að segja um notkun hennar. Síðustu tvær vikur er allt að verða vitlaust erlendis, því tugþúsundir og hugsanlega margfalt fleiri eru farnir að rannsaka PCR skimun, hvað hún er og hversu óraunhæft er að nota hana eins og nú er gert.

Elítan sem krefst skilyrðislausrar köfnunar-tilbeiðslu á Covid, er illgjörn og ósanngjörn, en einbeittur brotavilji hennar er að verða fyrirsjáanlegur.

Látum vera hugmyndafræðina á bak við Covid farsóttina - sem er nær öll hugmyndafræðileg - og hvers vegna elítan er svo ákveðin í að þjóðríkin skuli öll (að Kína undanskildu) fara í stofufangelsi, setja upp tilgangslausar grímur, og rústa efnahag sínum og menningu.

Max Igan setti fram frábært myndskeið nú síðustu daga (að öðrum myndskeiðum hans ólöstuðum) þar sem farið er yfir PCR skimunina með greiningu viðurkennds læknis:

https://www.bitchute.com/video/XOxDM6vOeM1u/

 

Nýlegt viðtal Del Bigtree (sem ætti að vera óþarfi að kynna) við dr. Heiko Shöning er einnig áhugavert í þessu sambandi.

https://www.facebook.com/100009304565812/videos/2748788502107942/UzpfSTEwOTQ0NzM3ODA6MTAyMjMxNzk0NDU5Mjk4NzA/

Í gær var einnig áhugaverð fyrirtaka Axels Péturs um þessi mál á YouTube, en þar fer hann yfir viðtal við Mullis sem tekið var fyrir heimildamyndina "House of Numbers:"

 

Milljónir fólks um allan heim eru löngu farnar að sjá í gegnum lygarnar og einbeittan brotavilja, ef ekki allrar elítunnar þá hluta hennar. Sjálfur hef ég skrifað ritgerð um hvernig sumt fólk breytir raunvísindum í dulspeki og endurnefnir vísindi en í kjölfarið hef ég farið all ítarlega, ekki síst hér, í hugmyndafræðina sem liggur að baki.

Niðurstaðan er einföld; Húmanisminn og sú menning sem hann hefur yfirtekið er hruninn. Hvað við tekur, það veit ég ekki, enda eru færslurnar hér ekki trúarlegs eðlis. Þó ég hafi oft bent á túlkun og rætingu vissra spádóma, þá veit ég jafn lítið um framhaldið og aðrir.

Þó er eitt augljóst þeim sem rannsakað hafa mannkynssöguna; Framundan er óhjákvæmilegt uppgjör og eins og venjulega (síðan 1662) ætlar Hreppstjórafélag Íslands að missa af lestinni, s.s. sést á ósannsögli undanfarið varðandi EES og ESB eins og verið hefur í deiglunni síðustu daga.

Þú lagar ekki úrelt vandamál með úreltum aðferðum, s.s. við Þjóðveldisfólk höfum ítrekað bent á síðustu árin. Loks minni ég á að ég hef sjálfur engra hagsmuna að gæta í þessum málum, trúarlega er ég ekki að reyna neina smölun og hvað Þjóðveldið varðar þá er það ekki mitt heldur sér það um sig sjálft. Mig langar þó, eins og aðrir, til að búa í virðingarverðu samfélagi.