Eins og allir vita þá er ég sá eini í heiminum öllum sem svo til daglega minni fólk á að rannsaka prófunar aðferðina sjálfa (PCR) sem ríkin viðurkenna sem hundrað prósent en vísindin sjálf sem þrjátiu til fimmtíu prósent.

Þeir sem hafa rannsakað hana vita vel að sú nýja er síst betri.

Athugulir taka eftir að meginmiðlar komust ekki hjá því í þetta sinnið að minnast á "Gates Foundation" sem er systurstofnun "Bill and Melinda Gates Foundation." Glúrnir hafa tekið eftir hvernig bæði Íslenskar og erlendar fréttir grófu nafnið innan um önnur. Ég hef áður bent á þessa systurstofnun og hvers vegna þær eru tvær.

Gáfnaljós sem telja sig upplýst, muna þetta vafalaust.

Fyrir tveim dögum eða svo setti ég tengla inn í færslu hér á bloggsvæðinu, í greinar frá Cornell University til staðfestingar á fullyrðingum mínum varðandi PCR skimunina. Í öðrum tenglinum hefur fólk vafalaust tekið eftir, vísa ég á rannsóknarvinnu um leitina að nýjum og skjótvirkari prófunaraðferðum.

Það hlýtur að liggja í augum uppi að um allan heim er mikil þróunarvinna á þessu sviði, en jafnframt ætti að vera augljóst hversu stór svarthol eru í þeim vísindum og eins að enginn fjölmiðill uppfræðir fólk um neitt af þessu.

Það út af fyrir sig ætti að vera sumum rautt flagg, þegar einungis einn þessara aðila kemst á kortið, og það hversu hratt og gagnrýnislaust það gerist.

Það verður auðvelt - eins og svo oft með svarta túngu lygara og gráa túngu meðlygara - að finna svartholin í þessari nýju blekkingu. Vafalaust munu þau vera augljós en eins og venjulega verður tilgangslaust að benda dáleiddum Gáfnaljósum meginstraumsins á það. Sem gerir allt grúsk mun skemmtilegra; Maður finnur út hluti og fær að eiga þá í friði.

Í dag kom frétt á rt.com, varðandi yfirlýsingu Elon Musk með fyrirsögninni: ‘Everybody dies’: Musk says neither he nor his family will take Covid-19 vaccine, blasts Bill Gates as ‘knucklehead’.

Allir vita - sem fylgst hafa með orðræðu minni gegnum árin - að ég er enginn vinur Elon Musk og tel hann vera eitt af Lutetia 71 börnunum, fyrirbæri sem ég hef rækilega útskýrt á öðrum vettvangi. Það breytir ekki því að hér eru vatnaskil á ferðinni.

Fyrir þá sem sjá Musk eingöngu í gegnum Tesla og PayPal filterinn, eða fyrir tengslin við snillínginn Peter Thiel (annað L71 barn), þá ætti viðkomandi velta fyrir sér hversu mikil völd eru tengd við Space X verkefnið og spyrja hverjir séu útvaldir á því sviði: Nokkuð sem enginn hefur rannsakað ítarlega eða komist í gegnum huliðshjálminn á.

Það áhugaverðasta við þessa frétt er tímasetningin, því hún kemur daginn eftir að heimspressan (sem öll étur úr Gates meisinum) tilkynnir að Gates Foundation sé komin með nýtt 15 mínútna Covid próf sem leysi PCR skimun af hólmi.

Hvernig áróðursvél Bill Gates hefur smeygt sér inn í heilbrigðis og fjölmiðlageirann er marg- og ítarlega greint af hundruðum manns og hefur rækilega verið gerð skil úti um allan heim. Þar stendur James Corbett fremstur meðal jafníngja en samstarf Íslenska Lýðveldisins (eða kommúnistanna sem hafa yfirtekið það) við fulltrúa Gates hérlendis, er öllum augljóst.

Hvernig hið sama ríki mútar fjölmiðlum til að jarma með, eru opinberar upplýsingar.

Það hvernig enginn ræðir vísindin sjálf, er sannanlegt og augljóst hverjum sem kærir sig um að vita. Niðurstaðan? Engin. Það er ekkert raunsæi eftir í heiminum. Eins og segir í Dómarabókinni, af því þegar 300 menn Gídeons voru sendir gegn 200 þúsund Midíansmönnum; Hernámsliðið ruglaðist innanfrá og snérist hver gegn öðrum.

Þetta síðasta er dultilvísun í margar útskýringar sem "sumir" hafa útskýrt síðustu mánuði en engill Guðs hefur mælst til að séu tónaðar niður. Minni þess í stað á fín viðtöl við Judy Mikovits og Róbert F. Kennedy Jr. á Perspectives on the Pandemic rásinni á YouTube, sem góðan byrjunar reit fyrir fólk sem vill grúska og vantar góða viðmiðun.

Fólk sem hefur grúskað lengi veit vel að fyrir hverja fimm til átta sem eru yfirlýsingaglaðir og áberandi með jaðarupplýsingar, þá eru oft minna áberandi þeir sem eru ábyrgari. Sem gerir grúskið líka skemmtilegt, að greina Lubbana (Shills) og Hliðverðina (Gatekeepers) frá hlutlægum greinendum.

Tökum Pýramídana sem dæmi, en margar kenningar um þá eru mun trúverðugri en opinberu "útskýringarnar" og það er gaman að velta öllum þessum kenningum fyrir sér. Þegar maður er vanur að grúska sér maður auðveldlega hversu stór svartholin eru hjá hinum viðurkenndu og að þau eru síst minni en hjá jaðarfólkinu.

Loks áttar maður sig á, og kannski sá eini, að Egyptar skrásettu allt um menningu sína og vísindi nema hvernig þeir byggðu skrattahólana. Rétt eins og þegar akademían segir okkur að Grikkir hafi fundið upp lýðræðið; Allar grískar borgir höfðu einvalda (Tyrants) en Aþena hafði lýðræði í skamman tíma eftir að Sólon hafði menntað sig í því hjá Egyptum.