Ég efast sjálfur um að Corona veiran sé hönnuð eða erfðabreytt og held að hún sé til. Hins vegar er hvorki farsótt né faraldur á ferðinni og Covid-19 er algjör tilbúningur Trotskýista bæði í Kína og á Vesturlöndum, og það verður ítarlega rakið af mörgum á næstu misserum.

Nú þegar eru margir um allan heim búnir að rekja þetta en Trotský stýrðir samfélagsmiðlar taka flestar slíkar greiningar niður jafnharðan. Sem segir manni meira en þarf að segja.

Óþarfi er að fara nánar ofan í samstillingu Íslenskra Kommúnista í ríkiskerfinu við ætlanir Evrópusambandsins og NATÓ að fara í hreinsun á því sem þeir nefna Upplýsingaóreiðu (Information entropy) og koma á stýrðu eða þvinguðu jafnvægi (Equilibrium).

Það sem er athyglisverðast í þessu sambandi eru hversu margir á Facebook og á blog.is keppast um að púa á Trömp fyrir yfirlýsingar sínar og að þessir stjörfu greinendur sjá ekkert slæmt við alheimsríki Pekíng sem nú er í fæðingu.

Það eru til greiningar þar sem Kínverskar hugveitur (Think Tanks) skilgreindu 1999 að í komandi heimsátökum gegn "hinu kapítalíska vestri" mætti beita hvaða ráðum sem væri til að knésetja það og ekki er langt síðan greinendur tóku eftir yfirlýsingum Xi Jinping að eftir knésetningu vestursins yrði nýtt Westphalískt kerfi hannað, nema það yrði kennt við kínverska borg en ekki þýska.

Kína tókst að bæla umfjöllun um þetta en þó nokkrir alþjóðrýnendur tóku eftir þessu og minna á það reglulega. Það var vel þekkt árin 1950 til 1991 að á vesturlöndum var allt vaðandi af blaðamönnum, menntafólki, stjórnmálafólki og skriffinnum (Bureaucrats) sem voru hliðhollir Sovét kommúnisma og unnu að því að gera vesturlönd eins kommúnísk í sér og þeir gátu.

Fáir þekkja í dag hvernig ástandið var áratugina tvo í Bretlandi áður en Margrét Thatcher hóf að leysa Breska þjóðfélagið úr ánauð kommúnismans þar. Glöggum lesendum skal bent á að vitsmunaklíka kommúnismans sem ætlar sér að ráðskast með allt og alla og notar til þess Ríkið, er að meðaltali 9 til 11 prósent fólks.

Þá er rétt að minna á að ríki eru samsett úr þrennum frumspekilegum stoðum: Sálarástandi þeirra sem trúa hugmyndinni og vilja sjá hlutbirtingu hennar, þörfinni til að afmarka á milli annarra Þjóðfélaga (því þau eru í eðli sínu ofbeldishneigð) og loks kröfunni um málamiðlun á milli frekju og frelsis.

Kommúnisminn hins vegar sér ríki sem tæki til að yfirtaka allt og alla, og ráðskast með allt sem á vegi þeirra verður, og vegna ónáttúrulegra hugmynda og óheilbrigðrar rökhyggju, eyðileggja allt sem þeir geta og ljúga eins og þeir komast upp með. Sagan hefur sannað þetta.

Í samfélögum þar sem kommúnisma er haldið á mottunni, ræðir fólk um "hver eru réttindi ríkis og skyldur" en síðustu tvo áratugina er þessi spurning hvergi rædd í heiminum, nema á Þjóðveldisþingum, og því er ríkjunum og frekju þeirra ekki lengur sett nein mörk.

Staðan sem er komin upp á vesturlöndum í dag, er ekkert nýdæmi og er algjörlega rekjanleg hugmyndafræðilega.  Sem gerir stöðuna soldið spennandi, ef maður er hlutlaus áhorfandi, því það er stríð í gangi, bara ekki heitt.

Hlutlaus? Ég, algjörlega. Ég aðhyllist Guðdómlega Ríkið sem skilgreint er í kafla 20. annarrar Mósebókar. Frá þeim sjónarhóli eru allar hugmyndafræðir sem ekki hafa skapara alheimsins í fyrsta sæti, illgjarnar skurðgoðatilbeiðslur. Það er tilgangslaust að gera upp á milli skurðgoða.

Meðal annarra orða - fréttamenn UK Column voru að upplýsa um að Ítalía hefði rannsakað nánar skrásett dauðsföll á Ítalíu, úr hinni svokölluðu farsótt, og komist að því að einungis 12% dauðsfalla mætti rekja til vírussins. Hef ekki séð neinar stórfyrirsagnir um það, né hvort fleiri ríki séu að rannsaka þetta.