Þegar Trotský sinnaðir Keynesian hagfræðingar felldu bankakerfi heimsins, biðu Trotský sinnaðir sósíalistar í röðum, ýmist í pólitíkinni eða bjúrókratinu, tilbúnir að yfirtaka það, með annaðhvort Kínverskum peníngum eða innanlands peníngaprentun.

Í kjölfarið kom tilbúin kreppa, sprottin upp úr úreltri abstract og mannfjandlegri hugmyndafræði Marx og Trotský, sem hefur kælt niður vestrænt efnahagslíf og rúið fólk inn að skinninu, gert fjölda upptökur á heimilum fólks og nú síðustu tvö árin fryst eignir litla fólksins og smáfyrirtækja með neikvæðum vöxtum og stöðvað vöxt með óvirku verðbréfakerfi.

Allan þann tíma sem fólk borgaði brúsann fyrir hugmyndafræði fámennrar menntaelítu, stækkuðu ríkiskerfin og alþjóðastofnanir, og menningarleg virkni samfélaganna var kæfð undir stórsjó reglugerða sem enginn kemst yfir nema fuglinn fljúgandi.

Kreppan sem nú gengur yfir, er ekki bara hugmyndafræðileg og menningarleg, hún er algjörlega tilbúin út frá rörsýn og skammsýni og nú á að banna gagnrýni á hana með kommúnískri hreinsun á einhverju sem nefnist Upplýsingaóreiða (Information Entropy).

Það eru til kenningar og útskýringar sem benda til þess að rétt áður en Vírusafarsinn var sviðsettur hafi raunverulegt efnahagshrun átt sér stað í byrjun mars, en tímasetning og sviðsett orðræða hefur þegar komið í veg fyrir að nokkru sinni verði hægt að greina það.

Hvað er að gerast? Ríkið sem er málamiðlun á milli ráðríkis og frelsis, er nú orðið hið náttúrulega sviðsetta umhverfi og það krefst af þér alls og hefur á umliðnum vikum sannað að trúarbrögðin (og aðrar heimssýnir) hafa ekki mátt til að sporna við hinni sósíalísku rétt hugsun ráðdeildarinnar.

Jú, Lýðveldin hafa sýnt að þau eru lýgveldi og ránsyrkja, meðan 90% efnahagslíf heimsins er fryst, stækkar heimsríkið, fitnar og tútnar út, lofar að hjálpa pínkupons með því að færa úr einum vasa til annars hjá litla manninum, að lána kannski sérvöldum fyrirtækjum, en alls ekki draga saman seglin hjá ríkisgoðinu sem nú hefur gleypt mennskuna og kæft hana.

Húmanisminn er dauður og menningin sem tilbiður þá fordönkuðu lygaraheimsmynd, er sjálfkæfð í eigin hroka og sjálfstilbeiðslu.