Fjölmiðlabatterýið hér á landi - eftirleiðis uppnefnt 365skrúvur - segir okkur hluti sem smell passa við sýn Trotský-kommúnismans. Fyrirbæris sem hefur háð grimmilega baráttu um völd yfir fólki í marga áratugi.

Á valdatíma Margaret Thatcher og Ronald Reagan tókst að slá mikinn vind úr þessu liði: Menntafólk sem ekki er endilega í neinum flokki en aðhyllist heimsmynd Marx og aðferðafræði Trotksý til að koma henni á, með valdi og lygum ef annað misheppnast.

Þúsundir Íslendinga fylgjast með erlendum greinendum - misgóðum eins og í allri sauðahjörð - sem kerfisbundið hafa skotið niður yfirstandandi Vírusalýgi Trotskýista, hóps fólks sem síðustu tuttugu ár hefur notið dyggilegs stuðnings „Forboðnu borgarinnar“ í Pekíng.

Trotský lýgin 2008 sem tók yfir bankakerfi heimsins hefur síðustu tvö ár rýrt einkafjármagn fólks og smáfyrirtækja og núna sett hagkerfi Evrópu og Norður-Ameríku á hliðina. Um leið lamað þjóðríkin og sýnt vald alþjóðastofnana.

Enginn rýnir í hversu margir yfirmenn þessara valdamiklu (áróðurs) stofnana eru rekjanlegir marxistar. Né heldur hvort einhverjir þeirra tengist ásökunum um þjóðarmorð. Það mætti byrja á WHO, ef vilji væri til.

Fólk trúir auðvitað vísindamönnunum, enda alið upp við að horfa einungis á samhljóms sneið sósíalismans þegar kemur að vísindum. Þó hafa milljónir manns snúið frá sósíalista og samhljóms vísindamönnum IPCC og hlusta í dag á NIPCC þegar kemur að loftslagslýgi Húmanistavísinda.

Því enn er til fólk sem grúskar eftir raunhyggju, meðan fáir skilja hvað átt er við með hugtakinu Húmanistavísindi.

Þriðja árás Forboðnu borgarinnar á vestræna menningu, veit ég ekki hvernig verður. Ljóst er að næstu tvö til fimm árin verða hatrömm vitsmunaleg og efnahagsleg átök í rústum vestrænnar menningar. Minni ég á að fullyrðingar um 2008, eru byggðar á rýni en ekki meltingartruflunum.

Ég hef rannsakað tölurnar sem WHO gefur út - vitandi að þúsundir málsmetandi fólks um allan heim efast stórlega um hvernig þær eru til orðnar - og þar hef ég grandskoðað dreifðina. Þessa dreifð má síðan bera saman við MERS, SARS, Hong Kong 68 og Asíuflensu 57 og síðan varpa yfir á dreifð Inflúensu.

Í fræðum blekkingameistara er til hugtakið Músagildra, þar sem nytsamir bjánar sem fólk treystir eru fyrst blekktir til að blekkja okkur hin. Við vorum tæld til að kippa Aladdíns teppinu undan sjálfum okkur.

Við vorum tæld til sjálfs aftöku: Við grúskuðum ekki. Við létum banna okkur að fara í kirkju og þannig sanna ríkisgoðið sterkara goðinu sem við þykjumst trúa á. Stjórnvöld lögðu niður þingin sín og lokuðu viðskiptalífinu meðan við húktum á bak við hurð, sjálfviljug.

Samtímis eru ríkisstjórnir að gefa lögreglu fyrirskipanir sem hún framkvæmir - sem er algjör aftaka á lýðræðinu, því lögregla á að framfylgja lögum sem þjóðþingin setja og ríkisstjórnir einnig. Veistu hvað alræði (Tyranny) merkir eða Lýgræði (Deceptocracy)?

Hversu margir vita að sprittþvottur og samfélagsfjarlægð virka ekki á veirur af því tagi sem við núna eigum að tilbiðja og gerum eins og frávita sauðir?

Fáir fjölmiðlar segja þér hversu víða Flensan fer árlega um allan heim eða hversu stóran toll hún tekur. Fáir athuga tölur WHO yfir dauðsföll í heiminum öllum, á hverju ári, þar sem um sambærileg einkenni er að ræða, eða hversu auðvelt það er að Túlka þegar ætlunin er að Blekkja.

Það þarf ekki fleiri orð fyrir hugsandi fólk sem kann að grúska, fyrir hina duga engin.

Tengd frétt er þvættingur og mér er slétt sama um húmanistagráðuna sem notuð er til að gefa henni sýndar-trúverðugleika. Ég hef rétt eins og fleiri fylgst með fáu af jafn miklum áhuga og þeirri hugarþoku sem dregin er upp fyrir fólk um allan heim.

Munurinn er að ég hlusta ekki á 365skrúvur - nema rétt til þess að athuga hvort fyrirsagnirnar þeirra séu á samhljómslínu erlendra skríbbla. Þegar maður hefur horft lengi á niðurstöður jaðar-greinenda, hefur maður í gegnum árin safnað í sarpinn hverjir séu rugludallar og hverjir ekki.

Niðurstaðan er ekki fáráðlíngum Íslands Quislínga í vil. Né myndastyttunum þrem, Umskiptingum, Uppvakningum og Uppskafningum, sem horfa dáleiddir á snákahöfuð þeirra.

Fyrir þá sem ekki hafa séð þá orðnotkun áður: Þetta eru forn hugtök úr Evrópskum mýtum, og nefnast á Útlenzku, (í et) Golem, Gargoyle og Ghoul. Þau hafa merkingu sem hjúpar þann hluta mannlegrar sálfræði sem spila má á, til að hafa okkur að fíbblum.

Því fyrr sem Íslandselítan lætur af fyrringunni eða því fyrr sem alþjóð hristir af sér steinlímið, því fyrr fáum við aftur alvöru samfélög og getum þvingað þjóðfélagið til heiðarleika.

Er ekki vongóður um að upplýstur samtíminn muni gera neitt slíkt. Fyrir þá sem enn eru vongóðir, hvet ég til að grúska í hvernig Sharyl Attkisson blés froðuna ofan af Svínaflensunni hér um árið.

Kannski er þetta bara samsæriskenning hugstola manns sem syrgir tilveruna sem elítan hrifsaði af honum eða getur ekki sætt sig við veikindi sín. Sé svo, þá var þessi færsla bara sorglegt fjas.

Það breytir hins vegar ekki því að ef um aðgerð er að ræða - því samsæri er allt annað en aðgerð samtaka fólks: Ef aðgerðin er gerð með sambærilegri blekkingar tækni og 2008 og ef eftirmáli hennar og skýrslutaka er með sama hætti og var þá og ef skórinn passar á Mjallhvíti, þá er einhver staðar töfradís að leika sér.

Að öllu gríni slepptu: Hvort sem vestræn menning hagar sér eins og fíbbl eða lét hafa sig að fíbbli, þá er ekki í lagi að rústa tveim öflugustu samfélagsheildum veraldarinnar á einu bretti, jafn afgerandi og nú er gert.

Allir vita að aðgerðir stjórnvalda sem lofa að styðja við efnahagslífið að áfallinu loknu, er bara tekið úr vinstri vasa almennings og sett í hægri. Þú veist vel hvernig fjárkúgun og stórfelld rányrkja elítunnar virkar.

Það er ekki í lagi að leika sér svona með lífsafkomu og sálarheill milljóna manns. Þó er það ekki eitthvað sem kemur á óvart, sé rýnt í hvernig sósíalisminn hefur hagað sér eftir að hann yfirtók menntakerfin síðustu fimm áratugi.

Engin sjálfsvirðing fyrir mannlegri reisn, hvorki í hugsun né ytri verund. Þetta er það sem við búum við, það er allt rekjanlegt Þú ert ekki Mjallhvít og graskerið er ekki glerskór.

Sé rýnin rétt, þá erum við að ganga inn í skítuga útópíu þar sem fámenn klíka ráðskaðst með okkur að vild, án tillits til neins sem gott er eða virðingarvert. Klíka þessi trúir á afdankaða hugmyndafræði sem hefur rekjanlega borið ábyrgð á tugmilljóna þjóðamorðum.

Það er skylda okkar að afsanna þessa kenningu, nema við viljum þau örlög.