8.10.2019 kl. 18:45

Þegar orðhengilsháttur er settur í orðhengilshátt

Allir sem eru læsir og skilja merkingarfræði og líta út fyrir sömubókarfræði vita að Íslandi stóð aldrei nein hætta af Þjóðverjum í síðari heimsstyrjöldinni. Þeir átta sig einnig á að Bretar hernámu ólöglega mun fleiri ríki en Þjóðverjar í sama hildarleik.

Hernám Breta á Íslandi 1940 var bæði siðlaust og ólögmætt og hvernig þeir afhentu Bandaríkjunum yfirráð yfir landinu ári síðar var með öllu óafsakanlegt. Síðan þá hefur einskonar Quislinga elíta verið ráðandi á landinu, með tilheyrandi orðhengilshætti og áróðri.

Sumir muna ekki að hugtakið Quislingur er hugtak sem táknar stjórnmálamanninn Vidkun Quisling sem var valdamikill Norskur stjórnmálamaður í síðari heimsstyrjöldinni. Fólk heldur oft að hann hafi verið leppur fyrir Þýska hernámið á sama tíma.

Kommúnistar tóku Quisling af lífi eftir að síðari heimsstyrjöldinni lauk. Einnig var Petain marskálkur sem einnig var talinn þýskur leppur dreginn fyrir rétt eftir stríð, franskir kommúnistar komust ekki upp með að taka hann af lífi (og má það þakka Charles De Gaulle).

Fleiri stjórnmálamenn í Evrópu á fimmta áratug síðustu aldar eru oft uppnefndir leppar Þjóðvera; Vegna nákvæmlega sömu rökfræði og ég uppnefni Evrópska stjórnmálamenn bandarískt-hernumdrar Evrópu, Quislinga.

Það á ekki að þurfa að útskýra framangreint af meiri dýpt, en þó er það velkomið ef þurfa þykir. Hins vegar er ein staðreynd hvergi rædd.

Ísland skiptir engu máli í hernaðarbrölti heimsins, ekki neinu. Okkur stóð heldur aldrei nein hætta af Sovétríkjunum, þvert á móti. Allir vita sem muna lengra aftur í tímann en 1991 að Sovétríkin nánast héldu Íslandi á lífi frá 1969 til 1991.

Sömuleiðis vita margir að viðskiptajöfnuður við Rússa, frá 1991 til 2014, var ein af undirstöðum íslenskrar velmegunar. Jafnframt vita allir sem eru óheilaþvegnir og hafa vald á rökvissri hlutlægri hugsun, að þegar við yfirgefum Nató og ESB, munum við bæði græða tífalt á við það sem er í dag og einnig verða aftur þjóð sem mark er tekið á í heimsmálunum.

Samanburður kúluprinsessunnar við það hvort við eigum að miða siðferði við framferði hernámsþjóðarinnar, eða ekki (samanber tengda frétt), er orðhengilsháttur innaní tómri orðhengilstunnu.