Nær allir bankamenn (og ráðuneytismenn) sem voru dæmdir í sýndarréttarhöldum eftir hrun hafa sannað að á þeim voru brotin mannréttindi og það er heldur ekki tilviljun að Bankaeftirlitið sem handstýrir fjármálalífinu með Seðlabankanum hefur engin lög um starfsemi sína.

Það er heldur engin tilviljun þegar bankamenn í hverju viðtalinu á fætur öðru tilkynna okkur að þeir þora ekki að fjárfesta í efnahagslífinu vegna afskiptasemi bjúrókratsins og reglugerða og vaxtastefnu sem gera þeim það ókleift.

Enda er þetta í takt við Keynesian hagfræðina sem tröllríður vesturlöndum og var fjármögnuð af Komintern og Trotsky International á sínum tíma. Það er heldur ekki tilviljun að Frankfurt Skólinn hefur látið þessi heimssamtök skipta um nöfn enda hefðu þeir ekki getað framkvæmt ránið að öðrum kosti.

Allt þetta er rekjanlegt og að endingu vil ég minna á tvennt.

a) Bankakerfin brutu engin lög heldur fóru eftir þeim reglum og tilmælum hérlendis og á öðrum vesturveldum sem voru hönnuð af Keynesian fólki gagngert til að koma kerfinu í ógöngur og geta þá tekið það yfir. Frá hruni hafa nær engin tryggingafélög, bankar eða stærri fjárfestinga kerfi verið sett í gang, enda hvorki mega þau það né geta þau treyst bjúrókratísku umgjörðinni.

Þetta sama fólk stjórnar því bjúrókrati sem rukkar þig til hægri og vinstri í samræmi við ókleyft reglugerðafjall sem þau ein hafa vit á að stýra í gegnum nefndir og sjálfstæðar stofnanir ríkiskerfanna. Sé ýtt við þeim verður allt vitlaust eða nýr klausturspuni settur í gang.

Hversu margir vel menntaðir borgarar samtímans taka eftir hvernig búið er að færa valdið frá ríkisstjórnum og löggjafaþingum yfir til sjálfstæðra stofnana sem geta jafnvel tekið fram fyrir hendurnar á ríkinu, nú eða til yfirþjóðlegra stofnana?

Hversu margir vita að þetta var markmið Marxísku hópanna frá upphafi þeirra?

Þetta sam kerfi hefur einkarétt á að mennta börnin þín og menntaði þig til að hugsa rétt þannig að þú sæir ekkert óeðlilegt gerast þegar spuninn var ofinn í kringum okkur. Það er bara skrýtilingar eins og ég, sem trúa engum nema Skaparanum, sem rétt ná að sjá yfir skóginn í moldviðri fyrirsagnablekkinga og annarra spuna.

Velkomin í paradís marxismans - því marxismi er hvorki einsflokks né fjölflokkskerfi. Það er heimsmynd sem byggir á bókstafstrú, sjálfsfyrirlitningu, blekkingum og valda yfirtöku, með hvaða ráðum sem er.

Marxískur húmanismi þrífst aðeins þar sem tekst að heilaþvo fólk, umsnúa tungumálinu og að gera fólk að sínum eigin ritstjórum svo það segi helst ekki neitt sem ögrar tilfinningum rétttrúnaðarins. Hver hefði trúað því fyrir tveim áratugum að á 21stu öldinni yrði komið á ritstýringum og rafrænum bókabrennum á vesturlöndum?

Við sáum ekki hvernig menningin sjálf var rænd af okkur. Sem var í upphafi yfirlýst stefna Frankfurt skólans, og ég vil ítreka, hér er engin kenning framsett. Þetta er allt saman rekjanlegt.

Til hamingju með pakkann.