Einu sinni voru karl og kerling í 15mínútna borg Dags og Gnarr, sem ákváðu að flýja bólusetningavottorðin og QR Kótana.

 

 

 

 

Fluttu þau í sveitina til að  lifa á náttúrulegri sjálfbærni og hafna vísindalegri-sjálfbærni Sameinuðu Davos-Þjóðanna. Fengu þau sér geitur til að fá mjólk og gera osta og hænur til að fá egg. Reyndu þau að byggja torfæ, en Byggingafulltrúi hreppsins bannaði torfbæinn hálfbyggðan af einhverjum flóknum ástæðum útskýrðum með löngum orðum.

 

Þá kom sveitarfélagið í boði UNESCO, WEF, WHO og UNICEF og lýsti yfir "gin og klaufaveiki" og "fuglaflensu" og þá kom MAST og krafðist þess að "smitsjúkdómadýrin" yrðu aflífuð.

 

Nýlega heyrðist af Eyvindi og kerlu hans, hvernig þeim reiddi af eftir árásina á líf þeirra (þeim til verndar). Rétt er að taka fram að um leið og þau fluttu, var hálfvaxinn sveinninn tekinn af þeim og sendur í fóstur hjá fullsprautaðri fjölskyldu á Smarteyri, 15mínútna smábæ í Eyjafirði (áður Akureyri).

 

 

Voru þau skylduð í Covidsprautu til að fá leyfi til að fara með dýrin í sláturhúsið, og fengu skömmu síðar óútskýrð hjartaáföll, sem þau lifðu þó af.

 

Heilsuverndarsérfræðingsráðgjafi Ríkisins og heilbrigðismálaútfærslufulltrúi Hreppsins telja að hjartaáfall Eyvindar sé vegna óþekkts genagalla, en hjá Höllu hafi það verið vegna ofáreynslu við geitamjaltir (þ.e. hún var úr borg en ekki vön sveitakona) og að sálarlegt álag við flutningana hafi aukið tilfinningaálag á hjartað.

 

Ekki er talið að áfallið við dýramissinn hafi tengst þessu enda fengu þau áfallastreituröskunar ráðgjöf og bæklinga. Þá er ástæðulaust að elta ólar við algengar firrtar kenningar um Covid sprautuna. Stimpill!

 

Plaströr.

 

Þau voru bæði, af mannúðarástæðum sett á Midazolam á spítalanum, til að tryggja þeim kvalalausa sjúkrahúslegu. Að þau hafi dáið af svæfingalyfinu, er ranghugmynd, enda um lyf að ræða. Ekkert hefur frést af útför, og talið er að hræin hafi verið brennd. Vegna heilbrigðissjónarmiða. Augljóslega.

 

Ef þau aðeins hefðu áttað sig á því að fimmtán mínútna borgin er öryggisnet, væru þau enn hálflifandi í litlu sætu smartíbúðinni sinni, nibblandi á pakkamat og pöddufóðri frá Gates Allinclusive Incorporated. Sprautuð reglulega við öllu sem Sérfræðingum Ríkisins dettur í hug, hamingjusöm samkvæmt reglugerð, og frjáls frá völundarhúsi ranghugmynda.